ჩემთან მოდი, განა რამე, მოდი ისე, სულ უბრალოდ, როგორც გუშინ, მერე ჩემი გულის ცემა მოისმინე, ან მაჯაზე დამითვალე პულსი. ამომიშრე ამღვრეული მზერა, რაც უშენო შეგრძნებები განმიცდია, ახლა თითქოს დროს თვალებით ვემტერები, წვიმა უკრავს ჩემს ფანჯრებზე ლოდინს, რახანია გეძახი და მოდი ტუჩზე შენი ცხელი სუნთქვა შემატოვე, მერე თუ გსურს უმიზეზოდ მიმატოვე, წასვლამდე კი ამიჩეჩე თმები. იქნებ აღარც გაგიბრაზდე სულელურად იქნება სულაც აღარ გაგებუტო, მაგრამ ახლა მოდი, გინდაც უნებურად, თუ გიყვარდე... უნდა ჩამეხუტო!
