გინდა? გიამბობ კალევალას ან უფროს ედას.

გინდა? ათას ერთ ზღაპარს მოგიყვები ზეპირად.

ვარსკვლავთა კიაფს მოგაჩვენებ ცისკრის ზეფირად...

გინდა? აგიხსნი მთაწმინდაზე სიყვარულს ღამით.

გინდა? სისხლს დავლევ შენ მტრებისას უძირო ჯამით.

გეამბორები მარმარილოდ ჩამოქნილ ყელში,

გადაგატარებ ცის კიდეზე აყვანილს ხელში...

გინდა? გაცეკვებ ბინძურ ცეკვებს ზღვის პირას, მზესთან.

გინდა? მიგიყვან სამოთხეში აკრძალულ ხესთან.

მერე გაგაფრენ, გაგიტაცებ იქითკენ სადაც,

შენთვის მეგულვის სადედოფლო კაბაც და ფატაც...

გადაგავიწყებ ამქვეყნიურ დარდსა და სევდას