სღამოს მოწყობა-შემოწმებაა სამხედრო ნაწილში, ნაწილის უფროსი პოლკოვნიკი პოლეტაევი ესწრება შემოწმებას. ყველა ადგილზეა, სია ჩაიკითხეს და... სად არის სერჟანტი მამედოვი? -ამხანაგო მაიორო თქვენ გეკითხებით, სად არის სერჟანტი მამედოვი? მაიორს ენა დაება, რა უთხრას? ბიჭები კი გააფრთხილა, ვინმემ დაიძახეთ მის გვარის წაკითხვაზე, აქ ვარო, მაგრამ მაშინ არ იცოდა თუ უფროსი დარჩებოდა. - არ ვიცი ამხ. პოლკოვნიკო, ნებართვით არის ქალაქში გასული, აქამდე უნდა მოსულიყო. ამ დროს შემორბის სერჟანტი, გაღვითქული, ქლოშინით, სულს ძლივს ითქვავს. -ამხანაგო პოლკოვნიკო ნება მომეცით მოვახსეო ამხ. მაიორს. - ამხ. მაიორო, "უვოლნენიიდან" დავბრუნდიო. პოლკოვნიკმა შეხედა და; ამხანაგო მამედოვ, თქვენ თუ იცით, რომ ჩვენს არტილერიას შეუძლია 15 წუთში ნებისმიერი ქალაგი დაანგრიოს? თქვენ ზუსტად ამდენი ხნით დაიგვიანეთ. - დიახ ამხ. პოლკოვნიკო, ეგ ვიცი, დანგრევით კი დაანგრევს, მაგრამ რამდენ ხანში აღადგენს?
სამხედრო ნაწილის ეზოში, ეგრეთ წოდებულ "კურილკაში" რიგითები და სერჟანტები "ბელომორ კანალს" და "ვატრას" ეწეოდნენ. ერთი ტარიანი იყო და მეორე უფილტრო, ორივეს მწარე გემო და მყრალი სუნი აქვს ფილტრიანთან შედარებით, მაგრამ სამხდრო ნაწილის ტერიტორიის მაღაზიაში, ეგრეთ წოდებულ "ჩაინაიაში" ფილტრიანს ვერ იყიდდი და "სამავოლკაში" მაგისთვის ვერ გახვიდოდი. ეწეოდნენ, საუბრობდნენ და თან ბებრებივით აფლუხუნებდნენ, ახველებდნენ და აქლემებივით იფურთხებოდნენ. ბიჭებო, გუშინ გენერალ-მაიორმა გაიარა ჩვენი ოფიცრებით გარშემორტყმულმა და ისეთ "მარლბოროს" ქაჩავდა, კინაღამ მუხლებზე დავეცი სათხოვნელად, ერთი ნაფაზი დამარტყმევინეო - თქვა ერეთმა. ნეტა მე დამენახა და თუ არ ვთხოვდი მაგასაც დაინახავთო, წაიტრაბახა სერჟანტმა. ამ დროს ერთმა სალდათმა სერჟანტს უბიძგა, გახედე ნედელინი (გენერალ-მაიორის გვარია) მოდის და მიდი შენი ვაჟკაცობა დაგვიმტკიცეო.
