მე გადავწყვიტე ვიქცე ჰაერად, რომ ჩამისუნთქო, მე ჩემს სურვილებს ოცნებებივით ჩუმად ვინახავ, მე გადავწყვიტე ვიქცე მთვარედ, ცაში ვიქნები, და "ღმერთო ჩემო”-ს როცა იტყვი, ხომ დამინახავ… მე გადავწყვიტე ვიქცე ლექსად, რომ წამიკითხო, მერე დადუმდე… დაგადუმებს დროის დაკარგვა, მე გადავწყვიტე ამ ქვეყნიდან გადავიკარგო, რომ ერთხელ მაინც მოგენატროს ჩემი დანახვა…
გუშინ წავაწყდი შენს უძირო, მოწყენილ თვალებს, მოგონებებმა დამისერეს მწარედ სხეული... მერე დავჯექი, გაოგნებით გიყურე დიდხანს, გიცქერდი კრძალვით, ოცნებებად გადაქვეული. წვიმდა... და მაინც გაურკვეველ ბურუსის ფონზე, ის ღამე დარდით, სევდიანი ფიქრით გავლიე... მერე გათენდა და თან გული დამწყდა საოცრად, არ შემიძლია რომ მიყვარდე, და... მ ა პ ა ტ ი ე . . .
ყველაზე მძიმე ის ფიქრი ყოფილა უთქმელი რომ რჩება გულში, ყველაზე მძიმე ის სევდა ყოფილა დიდხანს რომ ვინახავთ სულში. შენ შენი ოცნება ქაღალდზე დახატე, მე ლექსში ვეცადე მეთქვა, ორივეს დაგვქონდა ლამაზი ნატვრები და ვზრდიდით ოცნებას ფერადს.
არაფერია... თუ სულში წვიმდა,ეს განშორებაც არაფერია...ხედავ? ხეებზე დამსკდარა კვირტი,შენ რომ ვერ გხედავ დასანანია.არაფერია, თუ არ გიყვარვარ,თუ ჩემს ბილიკზე არ გაგივლია,თუ ყველაფერი მე მოვიგონე,გჯეროდეს... ესეც არაფერია...
ვნება იღვრება ღამის სარკიდან, შენმა სურვილმა ცეცხლი წამკიდა, რისთვის მიხმობდი მთრთოლვარე ხმებით, ალერსის გარდა კიდევ რა გინდა? მე ვეღარ ვუძლებ მაგ სუნთქვის ხანძარს და მთელ სხეულზე ცეცხლი მედება, შენა ხარ ჩემი სუნთქვა და ცეცხლი, შენი ტრფიალი მეიმედება. ამაღამ მოდი, ნახანძრალ სხეულს შენი ამბორი წამლად ედება.
ვიცი არ მიპასუხებ, გასული ხარ ზონიდან... მაგრამ შენზე ფიქრები, სიყვარულზე მეტია... შენს ბაგეზე ყოფნა და შენი სუნთქვა, მომინდა... ცრემლი გამეჩხირა და გულში, არ დამეტია... გეძებ მთელი ცხოვრება, მოვატოვე წარსული... ვერ გავიგე უჩემოდ, რატომ გიჯობს სოცოცხლე... მერამდენედ გირეკავ, ზონიდან ხარ გასული... ნეტავ თუ გენატრები, ეს რომ მაინც, ვიცოდე...
გზაში წამომეწია, დრო, უშენოდ მავალი... ვკითხე, სად დამეკარგა სიყვარული თავნება... მიპასუხა, რომ ახლა, დროა გარდამავალი... არ შემშვენის აწმყოსთან პარალელის გავლება...
ისე დავემშვიდობე, არ მითქვია ნახვამდის... ვინც ეძებსო პოულობს, მომაძახა შორიდან... მინდა, სანამ გიპოვი, სანამ სადმე გნახავდე... მზეს ამოსვლა დავასწრო, დილა შენ რომ მოგიძღვნა...
დრო ოთახში ჩავკეტე, დღეებს ვითვლი თითებზე... თვალებს ისევ ატყვიათ, მონატრების სისველე... ისე მომენატრე, რომ გავიბუტე ფიქრებზე... გულში თუ არ ჩაგიკრავ, მანამ ვერ მოვისვენებ...
