სუსტი არისო როცა ამბობენ ქალზე! უცნაურია რად არ იცინის ღმერთი. ათასი კაცის ღონეს დასჯაბნის ზოგჯერ, იმ ერთი ქალის სუსტი ღიმილი ერთი. რა მოხდა თუკი დაღლილი ფიქრით, წვიმის ცხელ ორ წვეთს ჩამოვაყოლებთტკივილს ვითომ და ძლიერი მამაკაცებიც ხშირად, ნატრობენ მაგრამ ვერ ახერხებენ ტირილს! ქალი, ქალი მზისაგან და სათნოებისაგან გაუჩენია უფალს, ქალს სხვანაირად ენატრება და უყვარს. ვერ შეედრება ქვეყნად ვერცერთი ძალა, ქალში გაჩენილ ახალ უმანკო სუნთქვას! რა არის უფრო დიდი გმირობა ქვეყნად,დედობა, დედობა ჯილდოდ უბოძებია უფალს!
..ტიტების ფოთლებზე დაგიწერ სტრიქონებს და მარტის ქარიშხალს მივანდობ… მომენდე, რომ ცაში გულთეთრი მტრედივით იქროლებს ღრუბლების დონემდე.
და მოვალთ, ჩუმად და არავინ… ამინთე ფარანი, ბნელა და ვერ შევძლებ ხეტიალს. რომ ცა ხარ ზაფხულის წვიმიან ამინდში ტიტები გეტყვიან.
(ეს ღამე წინა დღის ცოლია, ორსული, ღრუბლები მომავალ დღეს ელოდებიან) რომ მზე ხარ ჯურღმულის ფსკერზე ჩამოსული ტიტები გეტყვიან.
მე ჩუმი, არავინ, შევცქერი გრიგალებს, ხომ იცი სიტყვები გრიგალში ფეტვია. სული რომ დუმილის მეფობას იბრალებს ტიტები გეტყვიან.
მე შენით ვსუნთქავ და ამ ჩემი ლექსებით, ვერ მომკლავს ეს დანა, ეს ყულფი, ეს ტყვია. რომ ასე მიყვარხარ ტკივილთან შეხებით, მე ვერა, ტიტები… ტიტები გეტყვიან...
მე განა გონებით ვარ შენზე ძლიერი,- ოცნებით გისწრებ!... შენ გწამს და გეძახის მხოლოდ მიწიერი, მე- ლუჯი სივრცეც!... შენ დღეის ცხოვრების ფეხის ხმა მოგესმის , მე- ხვალის ექოც!... ტრიალი, ტრიალი ცხოვრების მორევში გულს როდი ეყო... როდესაც აბიჯებ, მეძახი, მოგყვები... თან ცისკენ გიწვევ... ოცნების გარეშე, იცოდე, მოკვდები, გიყვარდეს სივრცე!!!
მზე ამოვიდა, მზე, რომელიც ჩემშივე სახლობს, მზე არა სადღაც მეცხრე ცაზე, არამედ გულთან! და მე მოვდივარ შენს ხელებთან, რადგანაც მახსოვს, რომ შენს ხელებში უკეთესად ვფიქრობდი მუდამ!
ხან გულს ათასფრად მოაწვება შენზე ფიქრები.. თითქოს მეძახი, ან უბრალოდ მე მეჩვენება.. განაბულია გასუდრული მთვარე იფნებში და რძისფერ რაფას მონატრება ეალერსება..
ხან გულს შვიდფერად გადამიღლის შენზე ოცნება... გრძნობების მაინც ჯერ არ მიღირს თითქოს გამხელა.. ხან დავმუნჯდები..და არ ვიცი დამეჯერება? რომ დავიტიე ამ პატარამ გრძნობა ამხელა...
მუხლზე დაცემული ფეხზე წამოვდგები, ძველ წელს გავატან დარდსა და ვარამს, ანგელოზები მეკვლედ შემოვლენ და ანგელოზურად მეტყვიან სალამს. ამ წელს სიყვარულის ღმერთი გამიცინებს, ეს ღამე ლამაზად უნდა გავათენო, გვერდს დამიმშვენებენ ზეცის მოციქულნი, დილით გამიღიმებს მთელი საქართველო. დილით გამიღიმებს მთელი საქართველო, უნდა გამოვცალო სიკეთის ფიალა, წელო ლამაზო და წელო დღენათელო, უნდა მომირჩინო წელს ყველა იარა. მუხლზე დაცემული ფეხზე წამოვდგები, ძველ წელს გავატან დარდსა და ვარამს, ანგელოზები მეკვლედ შემოვლენ და ანგელოზურად მეტყვიან სალამს.
